LANKETA TEORIKOAN OINARRITUTAKO GOGOETA
Berrikuntzen inguruko testua irakurri ondoren, konturatu
gara berrikuntza bat aurrera eramateko lehenengoa irakasleak prest egotea dela.
Egia da, legeek ere zerikusia dutela zenbaitetan berrikuntzak oztopatzen
dituztelako, baina azken finean zentroa, gurasoak eta bertako irakasleak ados
badaude ikasgelan berrikuntzak aurrera eraman ditzakete, aurrez ezarritako
helburuak lortzeko. Izan ere, zenbait kontzeptu desberdindu behar ditugu:
legeek erreformak ekartzen dituzte, baina hauek ez dute zertan berrikuntzak
izan behar, aldaketak dira baina ez zerbait berria bilatzeko, baizik eta duguna
ezagutzen dugun beste zerbaitengatik aldatzeko. Berrikuntzak ordea haratago
doaz, ezagutzen dugunean oinarrituz gauzak aldatzea dute helburu beste eredu
berri eta hobeago bat lortzeko beti lortzen ez den arren.
Beraz, berrikuntza bat ezin da edozein modutara egin. Egokiena,
ezagutzen dugunean oinarritzea da hau hobetzeko aldaketa batzuk eginez eta
honetarako oso garrantzitsua da irakasleak formatuak egotea.
Seguraski, honengatik irakasle asko ez da ausartzen
esperientzia berri bat probatzera bere ikasleekin, planifikazio prozesua
handia, formazioa, esfortzua.. eskatzen dutelako eta nahiago dute ezagutzen
dutenean geratu, askok jakin arren ezagututakoa ez dela egokiena.
Horregatik, oso interesgarria eta aproposa iruditu zaigu
berrikuntzak egitera ausartzen diren irakasleek honen informea egitea haien
esperientzia kontatuz eta bertatik atera dituzten ondorio eta emaitzak. Izan ere,
berrikuntzak ez dira beti ondo aterako baina ez badugu probatzen dugu inoiz
jakingo. Beraz, informeen bidez agian irakasle gehiago animatzen dira saiakerak
egitera eta gutxika gauzak hobetuz joan gaitezke denon artean.
No hay comentarios:
Publicar un comentario